Namibia Tagebuch

So als erstes versuche ich es jetzt gerade wieder mit meinem Foto;-) dieser Versuch ist fehlgeschlagen, weiss aber jetzt dank meinem Cousinchen wie es geht. Drueckt mir also die Daumen dass es am Mittwoch klappt. Wie ihr merkt schreibe ich jetzt hochdeutsch, weil es für ein paar von euch glaube ich nicht so einfach war mein Mundart zu verstehen.

Ja jetzt ist also schon die erste richtige Woche vorbei. Fazit die Kinder haben meiner Meinung nach sehr schnell begriffen wie es läuft. Am Anfang haben sie noch häufig gestritten und meine Hilfe benötigt, jetzt sind sie schon sehr selbstständig und benötigen meine Hilfe nur noch selten und streiten auch nur noch selten. Das heisst ich bin einfach dort, schaue dass alle mitspielen können, erkläre wo nötig ist und spiele auch mit. Naja ich lasse mich überraschen wie es dann nächste Woche ist, ob ich dann immer noch der Meinung bin das sie weniger streiten;-)
Heute sind zwei vom APC dabei das Dach von Lis Haus zu reparieren und danach wird es gelb angemalt. Ist also ein ziemlicher Lärm. Lis ist im APC ein Häuschen am malen und ich sitze hier und überlege mir was ich euch interessantes könnte berichten. Gestern Abend waren Raimi und Elifas hier zum Abendessen und um mit mir Spiele zu spielen. Sie blieben bis etwa 10 Uhr. Immer wenn sie gehen wollten ist ihnen noch etwas eingefallen;-) das 1. Mal als sie gehen wollten, wollten sie noch von mir Deutschunterricht haben und ich bekam Unterricht in Owambo. Nur ich habe schon wieder alles vergessen.... Brauche schon noch ein wenig mehr Unterricht, möchte schon ein paar Wörter lernen auf Owambo ;-) aber muss sagen ist wirklich keine einfache Sprache.
Am Abend sind wir noch auswärts essen gegangen mit drei Schülerinnen vom APC. Wir 4 haben alle die gleiche Pizza gehabt. War schon gut irgendwie, nur ich glaube die haben Zucker auf die Pizza getan:-) ausserdem war sie extrem fettig. Habe sie nicht ganz aufgegessen, aber hätte schon viel früher aufhören müssen, hei war mir schlecht nach dieser Pizza....
Ja und gestern war ja Sonntag. Am morgen habe ich mich ein wenig mit Nusiku, dem herzigen Baby von Johanna abgegeben und bin noch mit Lulu spazieren gegangen. Die hat glaube ich 3 oder 4 Schwestern und alle haben schon Kinder. Die kriegen hier einfach Kinder ob sie wollen oder nicht, die versuchen dass nicht zu verhindern. Auch hier in Afrika gibt es Kondome, die sogar gratis verteilt werden, aber nur die wenigsten benutzen sie. Es wäre doch aber genau hier wichtig, den hier haben zwischen 50 und 65 Prozent Aids. Ich hoffe wirklich für sie dass sie es irgendwann lernen.
Am Nachmittag bekam ich eine Gitarrenstunde von Tschabi (glaube auch dass ist nicht richtig geschrieben, ich hoffe ihr verzeiht mir das);-) war wirklich gut mit ihm. Hoffe ich kann hier noch einiges lernen was das Gitarrenspielen angeht, bin richtig motiviert;-)
Nach der Gitarrenstunde hatte Lis hier noch mit Laimi, die Raimi heisst ( die Owambo können das R nicht aussprechen, habe wirklich bis am Samstag gemeint sie heisse Laimi) eine Oboenstunde und ich habe den Fisch fürs Abendessen vorbereitet. Ich sage euch, so guten Fisch wie hier habe ich glaube ich noch nie gehabt! Jetzt haltet euch fest am Schluss fragte Lis beim essen dann so mehr zum Spass ob jemand die Augen essen wolle, Johanna sagte ja. Waaa mich hats fast gelupft.
Ja das wäre dann in etwa mein Wochenende gewesen. Hoffentlich langweile ich euch nicht zu sehr mit meinen manchmal doch ziemlich banalen Geschichten.
Vorher habe ich noch 5 Lisminuten auf Lis gewartet und es dann nach etwa 20 Minuten aufgegeben, sie hat naemlich noch begonnen jemandem eine Lektion zu geben;-) ansonsten fuehle ich mich wie in der Schweiz, es ist windig und dadurch echt kalt:-( ausser dass es trotzdem schoenes Wetter ist. So bis zum naechsten Mal, hoffentlich dann mit Fotos;-)

Huet hani zerstemol z Gfühl ka dasi übers Ohr ghaue worde bin. Bin is Internetcafi go d Mails aluege und en Bricht go schriebe fürs Namibiatagebuech. I hät schwöre chöne dasi nur e Stund gsi bin, aber sie het mir anderdhalb verrächnet. Ich weiss het öpis sägä chöne, aber han dänkt eimol lonis ire durego, wenn sis nomol probiert werd ich sie druf ufmerksam mache und ds Internetcafi wächsle.
Hüt hani wele uf d Post go go es paar Charte ufgeh und Marke chaufe, meined er i het die Post gfunde? Nei, stattdesse bini e ganzi Stund umhergirrt und no em einte vo dene beide Type id Arme glofe, das isch jo genau das gsi woni han wele;-) Er het mi gfrogt wen er mir chöni Englischuntericht ge. I bin usgwiche, naja so wichtig chans ihm zum Glück nid si den er isch am Obed nid cho;-) Do ich d Post nid gfunde han bini den halt zrug zum Lis um mirs erkläre zlo. Nochem 2. Alauf hanis den endlich gschaft;-) den noch demi alles ir Post erledigt ka han bini no gegeüber in Pick and Pay und wer hani dört atrofe? De Kakaya (glaub da isch nid richtig gschriebe, aber weiss nid wiemes sust schriebt). De Kakaya, für die wos nid wüssed, isch eine wo vo de Droge chli kaput isch und viel Seich verzellt und bi dem me ufpasse muss dass me nocher no sis Gäld het;-) Er isch eigentlich en ganz lustige, nur ebe me muss ufpasse und ihm vorallem nid alles glaube. Er het Hunger ka also bini ihm es Brot und e Banane go chaufe. Es tuet mer ebe jedes mol e chli weh weni sotig wie ihn abwimle und nüt gib. Dehei hanis am Lis verzellt, und was seit sie mir - dass ers wohrschinlich go verkaufe isch.
Hüt am morge hemer no chli Action ka. Öpe so um di halbi 6i bin ich ufgwacht wel am Lis sis Natel glütet het, sicher öpe 3 Mol, den hets ad Tür klopft, do hets z Lis endlich kört. Sie het gmeint es sigi en Ibrächer gsi derbi isches de Papa Rice gsi, er het irgend en Notfall ka. Chönd ir eu vorstelle dass me bi eu um die Zyt chunt go lüte? Ich aso nid....;-)
Am Nomittag hani wieder e Hufe Chind ka und en chline Bueb, en Cousin vor Rosa. Er isch en uuu herzige gsi, isch richtig an mir gkläbt. Hüt hani gar nid gross mitgspielt sondern meh beufsichtigt dos so viel Chind gsi sind und die meiste Spieli jo nur für vier sind. Jo aso i glaub ohni Ufsicht wärs no meh z Chaos als sust scho isch.
Sie nenned mich Misses, aso da mussi ihne eidütig abgwöne;-) sust isch glaub hüt nüt spektakulärs passiert, ussert dass mer öpert, bivor ich überhaubt han chöne a büte alli Smarties usem Sack klaut het. Naja, dass kört do wohl zum Alltag und solangs nu Smarties sind gots jo eigentlich au, nur ds Problem dänki wird si dasses irgendwen, oder überhaupt nid nur bi Smarties blibt, sondern sie au grösseri Sache stähled.
Hoffe übrigens es het niemert es Problem zum mis Mundart läse und verstoh, wenn aber öpert söti Problem ha den nur sägä den würdi die nöchste Text uf Hochdütsch schriebe. Im übrige hani dänkt gang ich immer am Mäntig, Mittwuch und Fritig is Internetcafi.

Hüt morge hani welle der Selma es paar Sache uf ihrem Computer instaliere, isch aso überhaupt ke Erfolgserläbnis gsi:-( da chunt dervo weme uf zmol z Gfühl het me seg de Computerchief.... me chan jo nid alles chöne.
Hüt Nomittag hani zerstmol chöne sägä dass alles ziemlich guet gange isch. Han nid viel müsse ischrite, hend richtig friedlich gspielt. Het richtig Freud gmacht;-) aber es kört jo eigentlich fast derzue dass Chinder halt ab und zue e chli strited, nid glicher Meinig sind. Was isch sust no so gsi hüt? Hmmmm fallt mer jetzt grad nüt i ussert dass hüt en richtig schöne harmonische und lustige Nomittag gsi isch. Ah jo hend no usegfunde dass en Bueb Ignaz heisst, also glich wie min Papi, do drüber hemer üs oder viel eher sie sich köstlich chöne amüsiere;-) ja vielicht fallt mer spöter nomol öpis i, ansonsten beend ich jetzt min 3. Itrag...;-)
Han eu eigentlich no 2 Fotis ka, aber irgendwie schint das do nid ds funktioniere:-( noechst mol gangi mol is andere Internetcafi, vielicht gots doert. wuerd eu naemlich mini Kids wuerklich gaern mol zeige. aso hoffe druf dassi eu am Maentig es paar Foeteli chan zeige. Aso bis dahin, macheds guet.

Eigentlich hani alles ufere CD gspeicheret und eu sogar es Foeteli ka, nur do hends ke CD-Rom. aso schriebis jetzt halt nomol und ds Foeteli folg demfal. Am Maentignomitag hani zerstmol e Horde Chind ka zum Spieli spiele. Es sind aber ziemich chlini gsi isch also dementsprechend astraengend gsi. Scho am Afang het eis afange mega bruele und ich han nur mitkriegt ka dasses enand chli ghaue hend, do ich aber d Sproch nid verstoh hani nid gwuesst um was es goht. Han ne den choene miteme Smarties beruige, da isch mer den zum verhaengnis worde;-) nochdem ich allne eis geka han hets di ganz zyt gheisse give us more sweets.... do hani den gseit nix da zerst wirds Spieli fertig gspielt. Het den ziemich lang duret do sie immer wieder waeg gsprunge sind oder sust Seich gmacht hend. Aso Usdur muends eiduetig no lerne, nur sie sind jo doch ziemlich chlini Chind gsi, drum hani do no chli nochsicht;-) jo den nochem 5i het doert immer e Gruppe Theaterprob und sie hend mi grogt ebi weli zueluege, do hani jo nid guet choene nei saege. Doert hets 2 Jungs ka die hend mi e chli gnaervt. Der einti will mir d Gaegend zeige und de anderi het mini Natelnummere wele. D Natelnr. hani nid ge drfuer hani jetzt sini, nur bisi ihm aluete, do chaner lang warte;-) bim d Gaegend zeige hani nonid zuegseit, muss mer no oepis ifale lo fals er wieder mol frogt;-) ach weni wuesst sie meinteds nur Kumpelhaft den waers jo ganz easy, nur do dra glaubi jetzt nun wuerklich nid...
Wie ir jo bereits erfahre hend het d schuel sit gester agfange und somit het au fuers APC de Alltag wieder begonne. D Schueler hend sich choene fuer Stunde ischriebe und die wo das den gmacht hend und Lust ka hend hend choene mit mir spiele. Isch en ganze Hufe gsi aso fast chli es Chaos... aso so Sache wie dass me enand nid d Charte us de Hand risst, das muends echt no lerne. Au hani den emol gseit, mir hend Set gspielt, sie soelled d Charte ufem Bode lo damit si alli gseh choend, meined er da het klapt,nei natuerlich nid... do hani muesse e neui Regle ufstelle naemlich dass eine nochem andere dra chunt zum saege oeber es paaerli gseht wo zaemae passt. Es gaechti naemlich eso dass jede choent dri ruefen, nur da isch eiduetig nid gange. Jo isch irgendwie au verstaendlich wenn Deheime niemert mit ihne spielt. Findes naemlich scho wichtig dass me id "Waelt vo de Spieli" igweit wird;-) naja noch und noch lerneds den scho wies lauft. Im Grund gno unterscheided sie sich aber nid gross vo ueserne Kids, au die bruched Betreuig.
Am Obed waeri wieder d Theaterprob vo de andere gsi. De einti vo dene het gseh dasi en Ring a han, hoffe jetzt dass er glaubt i seg verhuerotet;-) ansonsten bini so schnell wie moeglich verschwunde damit der ander mi nid gseht. Hoffe die beide loend mi jetzt in Rueh.
Ja und gester isch no bim Lis e jungi Frau mit ihrem Baby izoge, aso so es haerzigs Baby hani glaub echt no nie gseh;-)
so den bis zum noechste mol;-)